38.000 лица над 70 години изразиле интерес за вакцинација против Ковид-19
Министерството за здравство информира дека досега преку веб-страницата „Vakcinacija.mk“ 55.970 лица ја пополниле формата за аплицирање преку искажување на интерес за вакцинација против КОВИД-19. Преку матичниот лекар, за вакцинација се пријавиле 29.209 лица. Од оваа вкупна бројка, 38 илјади лица над 70 години се пријавени за вакцинација.
Вчера, со вакцинација на 202 здравствени работници почна имунизацијата во земјава. Согласно направениот план за вакцинација на здравствените работници, први се вакцинираат медицинските лица кои работеле или работат со КОВИД пациенти од инфективната клиника, ГОБ „8 Септември“, Институтот за белодробни заболувања кај децата Козле, интерните клиники кои хоспитализираа пациенти. Од следната недела вакцинацијата ќе почне и кај здравствените работници во болниците низ државата, како и приватните болници.
Со ова, нашата земја ќе биде една од ретките земји во Европа во која ќе ја имаат примено вакцината против КОВИД-19 сите здравствени работници кои лекувале пациенти позитивни на коронавирусот.
Вакцините се безбедни и развиени на сигурни платформи. Во неделата, од Србија добивме 4680 од вкупно 8000 вакцини од компанијата Фајзер. Во текот на следната недела, во Македонија се очекува да пристигнат и другите количини од Србија.
До крајот на месец февруари, се очекуваат да пристигнат и 200-те илјади вакцини од Народна Република Кина.
Ново на Сител
-
Џамбаски за Љубчо Георгиевски: И двајцата сакаме да нема граница од Охрид до Црно Море
-
Ковачевски - Макрон: Франција е посветена на европската перспектива на Северна Македонија
-
Нови Сад: Маж легна на булевар и го блокираше сообраќајот | ФОТО
-
Поранешниот полицаец Томас Лејн призна вина во случајот за убиството на Џорџ Флојд
-
Владата го овласти амбасадорот Талески да даде согласност за приемот на Шведска и Финска во НАТО
-
Приведена 22-годишна тетовчанка осудена за кражба
-
Скопјанка нападната од лице кое работело како обезбедување во трговски центар
-
Од туѓа картичка си повлекол 18.200 денари