25-годишен скопјанец тепал и влечел полицајка пред нејзините колеги
Основното јавно обвинителство Скопје денеска поднесе обвинителен предлог против 25-годишен скопјанец, кој на 13 февруари годинава тепал полицајка и ја влечел по земја откако таа, со уште тројца колеги, се обидела да провери оштетен автомобил во подземна гаража на улица „Анкарска“.
Како што соопшти обвинителството, од совозачката врата на возилото излегол обвинетиот, по што му било наредено на застане, но се обидел да избега, а полицајката за да го задржи го фатила со двете раце за нозете во делот на потколениците.
„Тој почнал да ја удира со нозете во пределот на главата и лицето и да ја влече по асфалтот, нанесувајќи и телесни повреди во вид на потрес, отворена рана на главата и нагмечување на главата“, се вели во соопштението на ОЈО Скопје.
Обвинетиот се наоѓа во притвор и надлежен јавен обвинител до судот достави и предлог за продолжување на притворот. Обвинителниот предлог е за кривично дело – Напад врз службено лице при вршење работи на безбедноста.
Ново на Сител
-
ВМРО-ДПМНЕ демантира дека разговара за ресори и поделба на власта со „Вреди“
-
ЕУ: Очекуваме соработка со претседателката на Македонија
-
Србија испраќа хуманитарна помош за Газа
-
Бојан Миовски номиниран за фудбалер на годината во Шкотска
-
Излета автомобил од патот Куманово – Скопје, едно лице тешко повредено
-
Драма во Скопје: Претепал жена, а потоа бил агресивен кон полицијата
-
Исчезна Турчинка која престојувала во хотел во Скопје
-
Избувна пожар во куќа во Пласница, зафатена и соседната куќа