23 годишник пазарувал на интернет со туѓи картички, оштетил две лица за 130.000 денари

СВР Скопје - Единица за економски и компјутерски криминал поднесе кривична пријава против Г.Д.(23), поради постоење основи на сомнение за сторено кривично дело „оштетување и неовластено навлегување во компјутерски систем“, соопшти МВР.

Пријавениот обезбедил податоци од платежни картички на две лица и во периодот од 31.05.2022 до 17.06.2022 ги употребил за плаќање на повеќе интернет продажни места.

Притоа, едното лице го оштетил за сума од 120.310 денари, а другото лице го оштетил за сума од 14.901 денари, со што за себе остварил противправна имотна корист во вкупен износ од 135.211. денари.