17 првачиња од ОУ Гоце Делчев во Центар од денеска во изолација

Од денеска 17 првачиња од ОУ Гоце Делчев во општина Центар одат во домашна изолација по позитивниот тест за Ковид-19 на нивната наставничка.

Директорката на училиштето Нада Моларовиќ за Сител изјави дека наставничката добила симптоми во недела и вчера била на тестирање. Најверојатно се заразила од член на нејзиното семејство кој бил позитивен на вирусот.

Во изолација е уште една наставничка која ќе оди на тестирање во недела по што ќе знаат дали има корона или настинка. Од училиштето велат дека уште синоќа ги известиле родителите за новонастанатата ситуација а вонредно ја дезинфецирале и училницата каде предавала позитивната наставничка.