Злато за Георгиевски на „Софија опен“

 

Дејан Георгиевски постигна голем успех со освојувањето на златниот медал во сениорска конкуренција на Меѓународниот Г-1 турнир „Софија опен“ на кој учествуваа 1.400 натпреварувачи од над 80 држави.

 

Дејан Георгиевски до злтаниот медал извојува четири победи над противници од Аргентина,Германија,Србија и Хрватска. Хрватот Ведран Голец, кого го совлада во финалето, е еден од најдобрите таеквондисти во светот.

 

 

Филип Додевски во јуниорска конкуренција го освои бронзениот медал.

 

Храбри борби покажаа и останатите репрезентативци,особено Марко Аврамовски кој помина две кола и забележа пораз во борбата за медал.

 

Да потсетиме дека на Г-1 турнирите се собираат бодови за Олимпијадата во Токио 2020 година.