ЖРК Вардар по уште еден печат за Ф4 во Будимпешта

Ракометарките на Вардар попладнево го играат реванш дуелот од 1/4 финалето од Лигата на шампионите. Во Скопје ќе гостува данскиот тим Митјиланд, екипа која во првиот дуел во Данска беше поразена од ЖРК Вардар со 28:26.

- Мораме силно да влеземе и на овој натпревар. Митјиланд сака реванш и ќе бидат максимално мотивирани. Наша цел е пласман на завршниот турнир и тоа треба да го постигнеме со победа, истакна Андреа Пенезиќ, која со 81 гол е најефикасниот стрелец во ЛШ.

- Мојата ситуација е подобра. Очекувам во сабота полни трибини и со победа да прославиме пласман во Будимпешта, изјави Андреа Лекиќ.

Натпреварот ЖРК Вардар - Митјиланд почнува во 17:30 часот. На досега одиграните шест натпревари македонскиот првак има пет победи, а Митјиланд една.

Ова за „вардарки“ ќе биде последен натпревар на домашен терен во ЛШ сезонава и ќе се обидат по четврти пат да се пласираат на завршниот турнир во Будимпешта што ќе се игра на 6 и 7.мај.