Жителите на Србија годишно добиваат 2,6 милијарди евра од роднини и пријатели од странство
Српските граѓани во 2014 година вкупно добиле околу 2,6 милијарди евра од роднини и пријатели што живеат и работат во странство, а се проценува дека околу 800.000 луѓе во Србија добиваат парична помош од дијаспората, покажуваат податоците на Светска банка.
Во просек секое семејство 15 проценти од својата потрошувачка ја базира на средства од странство, а во однос на уплатените 2,6 милијарди евра од минатата година, во првата половина на годинава е забележан раст од 12 отсто, што според експертите се должи на позитивното заздравување на светската економија.
Статистички, секој жител на Србија добива тринаесетта плата, но не од работодавците, туку од член на семејството во странство, покажуваат податоците на Светска банка, јавува Радио-телевизија Србија.
Секој жител на Србија во просек од странство годишно добива околу 400 евра, што српската дијаспора ја рангира меѓу најдарежливите 20 во светот.
Околу две третини од парите пристигнуваат од Германија, Австрија, Швајцарија и Франција, службено преку банки, а се проценува дека неофицијално од рака на рака пристигнува уште половина од тој износ.
Според експертот на Светска банка Лазар Шестовиќ, овие средства се користат за дневна потрошувачка и плаќање на сметки.
Ново на Сител
-
Палевски тврди дека власта го држи во Турција поради изборите
-
Белградски енергетски форум на 13 и 14 мај во Белград
-
Изречени 130 санкции за брзо возење на територија на државата
-
157 санкционирани возачи под дејство на алкохол
-
Фон дер Лајен најави една милијарда евра помош од ЕУ за Либан
-
Поранешниот лидер на Златна зора, осуден за водење криминална организација, ќе биде пуштен од затвор
-
Курти: Ги исполнивме сите барања на ЕУ за укинување на рестриктивните мерки
-
АСО: Неоправдано и без основа зголемувањето на цените на осигурувањето од задолжителна автомобилска одговорност