Жителите на Сирково пак ќе протестираат барајќи приклучок кон брзиот пат Градско-Прилеп
По пауза од околу три месеци, жителите на росоманското село Сирково, пак ќе протестираат, барајќи приклучок кон брзиот пат Градско-Прилеп. Претседателот на месната заедница, Веле Коцев денеска информираше дека поради немањето на позитивен одговор на нивното барање, тие најавуваат дека повторно ќе го активираат протестот од понеделник.
– Ќе протестираме како и пред тоа, на влезот во селото. Нема да дозволуваме движење на механизацијата која работи на изградбата на патот, кој го гледаме на околу двеста метри од нас, а нема да можеме да се приклучиме кон него, кога ќе биде готов. Ќе мора да вртиме со километри за да излеземе на новиот пат, појасни Коцев за МИА.
Тој нагласи дека и понатаму, од Министерството за транспорт и врски и Јавното претпријатие за државни патишта, бараат приклучок кон новиот пат Градско-Прилеп.
– Имавме една средба со надлежните и ни беше дадена мала надеж, но конкретен став од нив сеуште нема. Ќе протестираме се додека не добиеме позитивен одговор на нашето барање. Ако нема позитивен епилог, можна е и блокада на постоечкиот регионален пат Градско-Прилеп, дециден беше Коцев.
Тој повтори дека селото е второ по големина во Општината, по Росоман, и има над 500 жители, а доаѓаат и викендаши.
– Проблемот е од 2015-2016 година. Немањето приклучок го доведува во прашање развојот на селото и можно е иселување на младите, порача Коцев.
Популарно од Македонија
Ново на Сител
-
„Сејф сити“ почна да ги лови и мотоциклистите - Детектирани девет прекршоци уште на првиот ден
-
Скопската вода безбедна за пиење и со добар квалитет
-
Нема оштетување на таблата на македонската амбасада во Софија, велат од МНРиНТ
-
Татко баран со потерница за обид за убиство, на бугарска ТВ ја брани ќерка му на која ѝ се суди за смртна сообраќајка
-
ЦУК: Од 1 јуни до 31 август регистрирани 1.696 пожари на отворен простор
-
Тошковски за аферата „Мазут“: Се надевам ЈО ќе собере храброст и професионално ќе се посвети на сите детали
-
Сопругата на Меси: Нашите деца го видоа нивниот татко како никогаш не се откажува и како го крева трофејот на Светското првенство
-
Мицкоски: Обезбедени се бесплатни учебници во сите училишта во државата, Владата инвестира во децата
