Жерновски ги прими копиите од акредитивните писма на новата португалска амбасадорка во земјава
Заменикот министер за надворешни работи, Андреј Жерновски, денеска ги прими копиите од акредитивните писма на вонредниот и ополномоштен амбасадор на Португалија во Република Македонија, со седиште во Белград, Марија Виржиња Мендес да Силва Пина.
Како што соопшти МНР, при тоа било нагласено задоволство од досегашниот развој на билатералните односи меѓу двете држави и истакната подготвеност за натамошно зацврстување на пријателските врски, како и искористување на потенцијалот за интензивирање на соработката.
Жерновски се заблагодари на поддршката на Португалија во однос на нашите евроатлантски аспирации, конкретно изразени преку ратификацијата на Протоколот за НАТО, како и поддршката за што поскоро започнување на преговорите со ЕУ.
– Македонските граѓани никогаш нема да ја заборават поддршката на официјален Лисабон. Ние не сме само пријатели, туку наскоро и сојузници во НАТО и во ЕУ, нагласил Жерновски.
Во овој контекст тој и посакал успешна мисија на новиот португалски амбасадор, изразувајќи уверување дека со своето дипломатско искуство и личен ангажман ќе даде значаен придонес во продлабочувањето на односите и доближувањето на двете земји.
Уверувајќи дека официјален Лисабон ќе продолжи да ја поддржува Македонија на европскиот и евроатланскиот интегративен пат, амбасадорката Силва Пина искажала подготвеност да продолжи со градење меѓусебни блиски релации преку континуирано зајакнување на соработката во сите сфери од заеднички интерес.
Соговорниците размениле мислења и за перспективите на процесот на проширување на Европската Унија, како и следните чекори во насока на отворање на пристапни преговори со нашата земја што е можно поскоро.
Ново на Сител
-
Неврохирург со амбиција за промени во општеството | Венко Филипче | Неформално | Sitel Podcast 028
-
Вработена во битолско средно училиште нападната од колешка
-
Поради одржување предизборни митинзи в сабота и недела изменет режим на сообраќај во Скопје
-
Во општините Дебар и Центар Жупа повеќе гласачи од жители
-
Тепачка помеѓу две колешки во средно училиште во Битола
-
Вчера пријавени два различни случаи на физичко насилство на Бит Пазар
-
Приведени сопружници од Скопје
-
Во Прилепско во тек се теренски акции за имунизација