Жена тешко повредена во сообраќајка во Струмица

На бул.„Гоце Делчев“ во Струмица вчера во 15.50 часот се случила  сообраќајна незгода помеѓу патничко возило „БМВ“ со скопски регистерски ознаки управувано од П.Ј.(38) од Струмица и „пежо 307“ со струмички регистерски ознаки управувано од И.Д.(35) од струмичкото село Дабиље. 

Во незгодата со тешки телесни повреди се здобила сопатничка од „пежо 307“ З.Д.(68) по што во Медицинскиот центар-Струмица и била укажана лекарска помош и била задржана за понатамошно лекување.

Увид на местото на настанот извршил јавен обвинител и увидна екипа од СВР-Струмица и се работи на целосно расчистување на случајот.