Земјотрес во Корча со јачина од 4,7 степени

Два посилни и неколку послаби потреси се регистрирани во подрачјето на Корча, Албанија, кои се почувствувани и Северна Македонија и во Грција.

Според Министертвото за одбрана, првиот силен потрес е регистриран во 14:21 часот со јачина од 4,7 степени според Рихтер, со епицентар на 3,4 километри југозападно од Дарда, Корча. Претходно беше објавено дека земјотресот бил со јачина од 4,5 степени.

Вториот потрес е регистриран во 16:28 часот и е со јачина од 3,4 степени.

Нема информации за материјална штета или повредени лица.

На подрачјето на Корча на први јуни годинава регистриран беше потрес со јачина од 4,9 степени, што предизвика материјални штети и голем број семејства се уште се сместени во шатори. За само три дена, во ова подрачје тогаш беа регистирани повеќе од 100 потреси.