Земале подарок за да не напишат казна, кривична за тројца полицајци
Одделот за внатрешна контрола, криминалистички истраги и професионални стандарди при МВР, до Основното јавно обвинителство за гонење на организиран криминал и корупција – Специјализирано одделение за гонење на кривични дела сторени од лица со полициски овластувања и припадници на затворска полиција, поднел кривична пријава против Д.С., Ф.Ѓ. и Д.Ј., полициски службеници во Полициска станица Центар, поради постоење основи на сомнение за сторено кривично дело „примање поткуп“ по член 357 став 1 од Кривичниот законик.
МВР денеска соопшти дека тие се сомничат дека на 4 јули 2024 година, околу 23:00 часот на ул.„Даме Груев“ во Скопје, при вршење службени задачи побарале и примиле подарок за себе за да не извршат службено дејствие, односно да не констатираат сообраќаен прекршок и на тој начин го нарушиле угледот на Министерството за внатрешни работи.
- Одделот за внатрешна контрола, криминалистички истраги и професионални стандарди против полициските службеници ќе поднесе предлог за поведување на постапка за кршење на работниот ред и дисциплина и ќе изрече задолжителна мерка отстранување од работното место до завршување на дисциплинската постапка, стои во соопштението од МВР.
Ново на Сител
-
Пукале на семејна прослава, уапсени двајца мажи
-
Рефлектор паднал врз дете во забавен парк во Ново Село, уапсен прилепчанец
-
КЗБ: Зголемен број заболени од Ковид-19
-
Димитриевски: Погрешно е Вреди да ја имитира ДУИ
-
МВР: Напаѓачите најверојатно сакале да го ограбат убиениот кај „Мавровка“
-
„Флекс кредит“: Доверлив и безбеден процес на идентификација и заштита на личните податоци
-
Тошковски: Патувањето на спикерот Гаши е уредно најавен и заведен
-
Одредени двојките за 1/16-финалето во Купот на Македонија