Зеленски во Вашингтон: Не чекајте ноември да и помогнете на Украина
Во Вашингтон, украинскиот претседател Володимир Зеленски ги повика политичките лидери во САД да не го чекаат исходот од претседателските избори во ноември за да преземат решителни мерки за да ѝ помогнат на неговата земја во војната против Русија.
„Сите го чекаат ноември. Американците го чекаат него, како и Европа, Блискиот Исток, Пацификот, целиот свет, а да бидам искрен, и рускиот претседател Владимир Путин го чека ноември“, рекол Зеленски во говорот на институтот „Роналд Реган“ во пресрет на Самитот на НАТО, пренесува Ројтерс.
Тој додал дека е време да се излезе од сенка и да се донесат цврсти одлуки, да се дејствува и да не се чека ноември или кој било друг месец“.
Зеленски, исто така, навел дека не може да предвиди што ќе направи Доналд Трамп доколку повторно стане претседател.
Тој се надева оти Трамп нема да го напушти НАТО и дека Америка ќе продолжи да ја поддржува Украина.
„Не го познавам многу добро“, кажал Зеленски, додавајќи дека имал „добри средби“ со него, но тоа било пред војната во Украина во 2022 година.
Самитот на НАТО по повод 75-годишнината од Алијансата, на кој присуствуваат бројни светски лидери, меѓу кои и Зеленски, како и македонска владина делегација предводена од премиерот Христијан Мицкоски, ќе трае до 11 јули.
Ново на Сител
-
Скопјанец ги претепал сопругата и малолетниот син, ја искршил и влезната врата од зградата
-
Претрес во скопско, пронајдено оружје и муниција | ФОТО
-
ЕУ ѝ префрла на Украина 1,5 милијарда евра приход од замрзнати руски средства
-
Тетовчани се скарале поради паркинг место, по што едниот извадил пиштол и му се заканил на другиот
-
Драма во Собрание: Неколку пратеници добиле заканувачки пораки
-
Институциите премолчуваат глорификација на терористи и прекршување на Законот за јазиците обвинува Левица
-
Комбе со мигранти се преврте на автопатот кај Бела Паланка, околу 50 повредени
-
По барањето од ОЈО Скопје, одложена закажаната расправа за убиството на Вања и Панче