Зеленски вечерва пристигнува во Тирана
Во следните два дена Тирана ќе биде домаќин на дводневнот самит Украина-Југоисточна Европа.
Првиот ќе се одржи утре, на 28 февруари, кога за првпат во земјата ќе се организира самит посветен на Украина, на кој ќе присуствува и украинскиот претседател Володимир Зеленски, кој вечер треба да пристигне во албанскиот главен град.
Вториот ден од самитот, на 29 февруари ќе биде посветен на планот за економски раст на регионот, забрзување на реформите и вложување инвестиции кои можат да го унапредат процесот на проширување на Европската унија со овие земји. На оваа средба ќе присуствува и претседателката на Европската комисија, Урсула Фон Дер Лајен.
- Претставник на Косово ќе биде претседателката Вјоса Османи, која за Еуроњуз го потврди своето присуство во Тирана за време на двата дена на самитот. Од Србија ќе присуствува претседателот Александер Вучиќ. На самитот за Украина преку видео порака ќе се обрати и турскиот претседател Реџеп Таип Ердоган, додава телевизијата.
Според истиот извор, центар на случувањата ќе биде Конгресната палата, место каде сите лидери прво ќе ги пречека премиерот Еди Рама, потоа на ред ќе дојдат седниците кои ќе будат затворени за јавноста, а на крајот на денот се очекува да има конференција за медиумите.
Поради самитот и посетата на Зеленски, безбедносните мерки во Тирана подигнати се на највисоко ниво. Директорот на Одделот за јавен ред и безбедност, Ребани Јаупи, денеска информираше дека мерките ќе почне да се спроведуваат од денеска, за што ќе бидат ангажирани над 1600 полициски сили од сите структури, потоа единицата за брзо распоредување, специјалната единица „РЕНЕА“, националната гарда и други структури.
Според него на меѓународниот аеродром во Тирана веќе се припадниците на секторот за антитероризам, припадници на тајната служба, ШИШ и РЕНЕА за да ја проверат безбедноста на аеродромот.
Ново на Сител
-
Макрон по средбата со Зеленски: Европа стои зад Украина
-
Карни: Царините на Трамп им штетат на Американците
-
Двајца Македонци загинаа во тешка сообраќајка во Италија | ФОТО
-
Таравари очекува од 40 до 50 пациенти кои се лекуваат надвор од државата да имаат потреба за подолготрајна рехабилитација
-
Маж брутално тепа бремена жена „во живо“ на „ТикТок“ во Радовиш | ВОЗНЕМИРУВАЧКО ВИДЕО
-
Една сезона може да биде и 1 милион евра | Игор Стефановски - Иџе | Sitel Podcast 086
-
Пациент кој по пожарот во Кочани се лекуваше во Грција се врати во државава, вечерва се очекуваат уште четворица пациенти од Шпанија
-
Меџити: Шар Планина и Пелистер добиваат нови инфо центри