Зеленски: Русија го игнорира предлогот на САД за прекин на нападите
Русија веќе 36 дена го игнорира американскиот предлог за прекин на воздушните, морските и копнените напади, изјави синоќа украинскиот претседател Володимир Зеленски во своето традиционално вечерно обраќање до нацијата, пренесоа украинските медиуми.
-Пред 36 дена, САД предложија целосен и безусловен прекин на воздушните, морските и копнените напади. Украина го прифати тој предлог веднаш – пред повеќе од еден месец. Русија продолжува да го игнорира и допрва треба да трпи последици, а тоа е голем проблем, рече тој.
Зеленски вчера разговарал со дипломатите за можни средби во следните недели во Украина и Европа, соработката со САД и односите со други земји „кои се доволно силни за навистина да влијаат на дипломатијата“.
Шефот на украинската држава посочи дека „во сите делови на светот треба да биде подеднакво јасно дека единствена причина за оваа војна е Русија“.
Зеленски во вчерашниот телефонски разговор со финскиот претседател Александар Стуб разговараше за ситуацијата во Украина, потребата на земјата од системи за противвоздушна одбрана, воведувањето построги санкции кон Русија и заедничките одмазднички акции против можните руски провокации.
Ново на Сител
-
Администрацијата на Трамп подготвува нови санкции против Русија
-
Притвор за осомничен кој подметнал пожар на два имотa на поранешната сопруга
-
Елмас изнуди пенал и го спаси Торино од пораз против Венеција
-
Во Белград комеморативни собири по повод две години од масовното убиство во ОУ „Владислав Рибникар“
-
Хјустон го победи Голден Стејт и израмни во плејофот во НБА
-
Јанта Волеј нов македонски одбојкарски шампион
-
Вашингтон пост: Администрацијата на Трамп планира намалувања во ЦИА и други разузнавачки агенции,
-
Воена парада во Вашингтон за годишнината на американската војска и 79-от роденден на Трамп