Македонија
19. August 2016 - 14:20

Здравствени аниматори им помагаат на социјално загрозени семејства во Виница

Четворица здравствени аниматори и двајца олеснувачи обучени од невладината организација „Кхам“ со седиште во Делчево, се на терен и им помагаат на социјално загрозени семејства во општина Виница, за остварување на нивните здравствени права во рамки на Програмата за здравство и здравствени права – интеграција на Ромите.

- Проектот е веке започнат. Здравствените аниматори завршија дел од обуките, а паралелно ги посетуваат домовите каде разговараат со семејствата на кои им е потребна одредена здравствена помош или се судриле со некои неправилности при добивањето на некоја здравствена услуга, изјави координаторот на програмата, Зоран Биковски од невладината организацијха „Кхам“.

Од досегашната работа во Виница, посочи, пријавени се 10 случаи за прекршување правото на здравствена заштита кај ромското население, и се напишани и поднесени 70 преставки за остварување правото на еднокаратна или друга помош.

- Со скрининг програмата за рано откривање на рак на дојка кај 250 жени Ромки (22,5 отсто) е извршена контрола со пап тест, истакна Биковски.

Ангажманот на здравствените аниматори и олеснувачите меѓу ромското население во Виница е до јуни 2018 година, кога ќе заврши проектот.