Завршија деталните геолошки истражувања за јаглен кај Делчево и Пехчево
Завршија теренските активности поврзани со истражувањата за резервите на јаглен во Ѕвегор-Стамер, Делчевско и кај месноста Стар Истевник-Панчерево кај Пехчево.
Како што информираат од АД ЕЛЕМ, конкретни резултати од истражувачките активности се очекуваат по реализацијата на следната фаза, односно по изработката и ревизијата на потребните елаборати што како процеси ќе бидат заокружени до крајот на годинава, односно до почетокот на 2017 година.
Од АД ЕЛЕМ потенцираат дека по изработката на ревидираните елаборати, кои ќе покажат со колкави резерви на јаглен располагаат предметните наоѓалишта и каков е нивниот квалитет, ќе следува изработка на студија за оправданост за секоја локација. Таа ќе даде насоки за наредните чекори кои би се презеле во однос на исплатливоста за отворање нови рудници за јаглен, земајќи ги предвид сите техно-економски параметри, како и нивното влијание врз животната средина.
За предметните инвестициски активности АД ЕЛЕМ обезбедила 905 илјади евра од сопственото работење. Изведувач на работите, кои стартуваа во почетокот на април оваа година, беше Градежниот институт на Македонија.
Првичните геолошки истражувања на овие локации се правени пред 30-ина години и тогаш анализите покажале дека овие локации кријат околу 50 милиони тони квалитетен јаглен.
Ново на Сител
-
Муцунски на средба со Вархеји: Новата Влада е силно посветена на реформската агенда и европските интеграции
-
Николоски: Можно е да се воведе градски воз во Скопје
-
Стејт департмент: Северна Македонија не ги исполнува минималните стандарди за елиминација на трговијата со луѓе
-
Борел: Одржувањето врски со Путин е некомпатибилно со заедничката европска иднина
-
На Табановце се чека до 30 минути, на другите гранични премини нема подолги задржувања
-
Непречистени 72.2 % од испуштените води во 2023 година
-
Зеленски ќе учествува в четврток на самитот на лидерите на ЕУ
-
Студија: Екстремните шумски пожари двојно се зголемија во текот на изминатите две децении