Заврши реконструкцијата на една од најфреквентните улици во Кичево

Заврши реконструкцијата на една од најфреквентните улици во Кичево, која е дел од кракот на улицата „Маршал Тито“, што го поврзува централното градско продрачје со северниот регион на Кичево.

Улицата е реконструирана во целост, со сета подземна инфраструктура како и со нов асфалтен слој. 

- Првиот дел на работите ги изведе Јавното комунално претпријатие „Комуналец“. Поставивме нова канализација, нови шахти и други делови од подземната инфраструктура, додека денеска во целост заврши реконструкцијата со поставување нов асфалтен слој, чија работа ја заврши фирмата „Инсталација“, информира директорот на „Комуналец“ Зендел Јонузи.