Завршен концерт на Летната школа за гитара на Струмица опен фестивал
Со заеднички концерт на Влатко Стефановски и професорот Васко Пиличев со учесниците беше означено завршувањето на Летната школа за гитара на Струмица опен фестивал.
Виртуозот Стефановски заедно со уште 50 гитаристи ги исполни култните песни „Чукни во дрво“, „Македонско девојче“ и „Јовано Јованке“ пред сцената „Кај чешмичката“ во паркот во Струмица.
Според професорот Васко Пиличев, бројката од над сто учесници на Летната школа за гитара покажува дека за овој инструмент има голем интерес во Струмица.
- Кога Влатко Стефановски дозна дека ќе има толкав број на посетители се зачуди, а и јас бев изненаден. Кога почнавме со оваа школа пред пет години почнавме само со 12 учесници и бројот растеше од година во година, вели професорот по гитара Васко Пиличев.
Додава дека за два дена не се учи свирење на гитара, но на учесниците им било укажано на што да внимаваат во нивниот понатамошно учење, односно општи работи, но кои се многу значајни за совладување на тајните на гитарата.
Покрај заеднчкиот настап на учесниците и предавачите, имаше и поединични и групни настапи при што беа исполнети различни композиции.
Пред почетокот на концертот на сите учесници Влатко Стефановски им додели благодарници.
Вечер на програмата на Седмото издание на Струмица опен фестивал е концертот на поп пејачката Каролина Гочева, со што ќе биде затворена годинашнава културно-уметничко програма на фестивалот.
Програмата продолжува в петок, сабота и недела на големата сцена на Градскиот плоштад, каде ќе настапат голем број балкански и македонски естрадни ѕвезди.
Ново на Сител
-
Георгиевски освои сребро Г1 светскиот куп во Букурешт
-
Сајнц победи на трката за ГН на Мексико
-
Ивановски победи тенисер од Топ 100 на Челинџерот во Братислава
-
Јавна расправа за предлог-законите за административни службеници и за вработените во јавниот сектор
-
Изгаснат пожарот кај хотелскиот комплекс Манастир, се утврдуваат причините
-
ГЕРБ на Борисов победи на предвремените избори во Бугарија
-
Руската ПВО во текот на ноќта собори 21 украински дрон
-
Шин Бет размислува да одвои околу 1,3 милиони долари за дополнителна заштита на Нетанјаху