Затворен угостителски објект, приведени сопственикот и странски државјанки
Гостиварската полиција, во содејство со Државниот пазарен инспекторат, синоќа во 20.30 часот изврши контрола во угостителски објект во гостиварското село Неготино, каде биле затекнати 30 гости, бенд и 13 девојки кои ги забавувале гостите, по што сопственикот е приведен.
МВР денеска соопшти дека при контрола на угостителскиот објект во сопственост на С.Т. (21) од село Неготино биле затекнати 30 гости, бенд со четири изведувачи и 13 женски лица, од кои пет странски и осум македонски државјанки, кои ги забавувале гостите и било констатирано дека не биле почитувани протоколите за спречување на ширењето на Ковид 19.
– Притоа, сопственикот се однесувал агресивно и се заканувал на полициските службеници и инспекторите од Државниот пазарен инспекторат. Тој бил лишен од слобода и приведен во полициска станица и по целосно документирање на случајот против него ќе бидат поднесени пријави по член 206 од Кривичниот законик за „непостапување според здравствените прописи за време на епидемија“ и член 144 од Кривичниот законик за „загрозување на сигурноста“, се наведува во соопштението од МВР.
Во полициска станица, информираат од МВР, биле приведени и странските државјанки и тоа две од Косово, две од Албанија и една од Србија поради злоупотреба на туристичкиот престој.
Објектот бил затворен од Државниот пазарен инспекторат.
Ново на Сител
-
Ненад Димитријевиќ прогласен за МВП во ВТБ лигата
-
Од денеска поскапува регистрацијата на возилата
-
Мета: Победата на професорката Давкова ќе биде уште поубедлива
-
Протести во Венеција против туристичката такса - Судир на полицијата со демонстрантите
-
Кривична пријава за жител на Росоман за посредување и тргување со оружје или распрскувачки материи
-
Таравари демантира дека вчера имал тајна средба со Ахмети, на која добил понуда од него
-
Во германските продавници пронајдени се над сто килограми кокаин во пратките со банани
-
Тошковски во посета на ЕВР Центар и Бит Пазар