Започна судски процес за обид за убиство на Ердоган
Во Турција денеска започна судски процес против 47 лица, кои се обвинети за обид за убиство на претседателот Реџеп Тајип Ердоган, ноќта на 15 јули минатата година кога беше спречен обидот за државен удар.
Триесет и седум од обвинетите се поранешни воени лица, на кои им се заканува доживотна казна затвор поради обвиненија за обид за убиство, за промена на уставниот поредок и за други кривични дела против државата.
Осомничените се обвинети за нападот на хотел во Мармарис, каде престојувал Ердоган, при што беа убиени двајца полицајци. Шефот на државата го напушти хотелот непосредно пред тој да биде нападнат.
Турските власти сметаат дека превратот е организиран од движењето на исламскиот проповедник Фетулах Ѓулен, кој живее во САД, а чии приврзаници се обвинети за инфилтрирање во армијата и други државни институции. Ѓулен демантира дека е организатор на пучот.
Ново на Сител
-
Израелската полиција изврши рација во Ал Џезира во Ерусалим, одзеде опрема
-
Костадиновска-Стојчевска: Македонскиот јазик е нашиот национален белег и најважниот симбол на културниот идентитет
-
Косовската полиција уапси 4-ца македонски државјани меѓу кои и кондовецот Агим Красниќи
-
Макрон го повика Нетанјаху успешно да ги заврши преговорите со Хамас
-
Димитровска: ДКСК оформи 45 предмети поврзани со изборите
-
14-годишна малолетничка од Петровец избегала од дома
-
Малолетник пријавен за насилство врз неговата мајка и брат
-
Бројот на загинати во поплавите во Кенија се искачи на 228