Започна полнењето на оризовите полиња во Кочанско
Со пуштањето на водата во каналската мрежа од хидросистемот „Брегалница“, од денеска официјално започна полнењето на земјоделските површини на кои годинава ќе се сее ориз во кочанскиот регион. Први вода добија земјоделците во месноста Босевица во атарот на Кочани, а до крајот на неделата ќе започне полнењето на нивите и во Виница, Мојанци, Горни и Долни Подлог и Мојанци.
- Поради неповолните временски услови и врнежите од дожд и снег пред почетокот на сезоната, земјоделците не можеа навреме да ги подготват површините, поради што и ние моравме за извесен период да го одложиме пуштањето на водата во каналите. Годинава со хидросистемот ќе наводнуваме околу 8.700 хектари земјоделско земјиште во Виничко, Кочанско, Штипско, Пробиштипско и Светиниколско. Од тоа околу 3.700 хектари ќе се засеат со ориз, а останатите површини се под други земјоделски култури, истакна директорот на водостопанската подружница „Брегалница“, Дени Митров.
Пред почетокот на наводнителната сезона екипи на водостопанското претпријатие од Кочани исчистиле околу 90 отсто од каналската мрежа, а во моментот се работи на оспособување на делови од левиот магистрален канал.
Акумулацијата Калиманци е полна со максимален капацитет од околу 110 милиони метри кубни вода и до пред неколку дена била на прелив. Во меѓувреме започнало контролирано испуштање на водата за потребите за наводнување, но и за да се избегнат евентуални опасности од поплавување поради најавите за нови врнежи деновиве.
Ново на Сител
-
Адеми: Недозволиво е да се носат законски измени по примерот на Кривичен, без да се консултира судската фела
-
Работен ручек на Фон дер Лајен со лидерите од Западниот Балкан
-
Кривична пријава против осум лица и три компании поради смртоносната сообраќајка во која загинаа татко и син
-
Следните два дена променливо облачно време, викендот сончево со пораст на температурата
-
Мицкоски за посетата на Брисел: Подготвивме најквалитетен документ за Планот за раст, ќе ги одбраниме и националните интереси
-
Претрес во Куманово, приведено едно лице
-
Дурмиши: Цените нема да се замрзнат, маржата ќе се ограничи до 10 отсто
-
Постигнат договор за есенската потрошувачка кошница, ќе се разгледа на следната владина седница