Запленети милиони фалсификувани долари и евра во Софија

Министерството за внатрешни работи на Бугарија и Обвинителството на градот Софија спроведоа операција против печатење на фалсификувани долари и евра во главниот град. Тоа го објави главниот обвинител Иван Гешев на својот официјален профил на Твитер.

 

Запленети се четири милиони долари и 3,6 милиони евра, отпечатени на територија на високообразовна институција.

 

– Бугарските агенции за спроведување на законот продолжуваат активно да ги штитат финансиските интереси на ЕУ и нашите американски партнери, напиша главниот обвинител Гешев.