Заменикот министер за внатрешни работи на Боливија претепан до смрт од штрајкувачи

Боливискиот заменик министер за внатрешни работи Рудолфо Илјнаес е претепан до смрт од рудари кои штрајкуваат.

Министерот за внатрешни работи Карлос Ромеро потврди дека 55-годишниот Илјанес бил претепан до смрт по судири меѓу полицајци и рудари кои протестирале во гратчето Пандуно на 165 км. југоисточно од Ла Пас.

Првично, Илјанес бил киднапиран од рударите откако се обидел да ги убеди да почнат преговори.

Тројца рудари беа убиени во неколкудневните протести против спорен  закон со кој им се забранува да работат за странски компании.