Заменик амбасадорот на ОБСЕ во посета на Кичево
Заменик амбасадорот на ОБСЕ, Џеф Голстајн денеска во Кичево се сретна со Претседателството на Младинскиот локален совет и со претставници на гимназиите „Мирко Милески“ и „Дрита“.
Тој се интересираше за меѓуетничките односи во овој град имајќи предвид дека тука живеат граѓани од различни етникуми. Од страна на младите, Голстајн беше информиран дека во Кичево нема меѓуетнички проблеми, иако во средните училишта учат Македонци, Албанци, Турци, Роми итн.
Младинскиот локален совет го запозна амбасадорот Голстајн и со анкетата што ја спровеле и изразија загриженост бидејќи резултатите покажале дека 93 проценти од анкетираните млади одговориле дека сакаат да ја напуштат државата.
Заменик амбасадорот ОБСЕ, Голстајн по средбата изрази задоволство што ситуацијата во Кичево е стабилна. - Позитивен е фактот дека тука ситуацијата е многу стабилна, независно од ситуацијата во Скопје, рече Голстајн.
Одговарајќи на новинарски прашања за политичката ситуација во Македонија, Голстајн рече дека генералниот секретар на ОБСЕ упатил јасна порака дека треба да се надминат тесно-партиските интереси и да се работи за доброто на сите граѓани, посебно за младите.
Ново на Сител
-
ОБСЕ/ОДИХР ги објави првичните резултати за првиот круг претседателски избори
-
Хроника на изборни нерегуларности за првиот круг на претседателските избори
-
Анализа на првиот круг од претседателските избори
-
Убедлива победа на Силјановска во првиот круг, Пендаровски најавува продолжување на европската агенда
-
Груби со куфер од пред Општина Чаир побара да си одат четворицата претседатели од албанската опозиција
-
Таткото на Вања Ѓорчевска оди во куќен притвор
-
Таткото на Вања повторно бара слобода од Врховниот суд
-
Тошковски: Мирен изборен ден