Законот за јазиците и денеска пред пратениците
Собранието на Република Македонија денеска во рамки на 15. седница треба да ја продолжи расправата по Предлог-законот за употреба на јазиците.
Пратениците синоќа до доцна расправаа по овој закон и имаа поделени мислења за него. Опозицијата обвини дека законот е неуставен и со него се кршат процедурите, а се дискриминираат и помалите етнички заедници. За парламентарното мнозинство, пак, законот не го нарушува унитарниот карактер на државата и ќе допринесе за зголемување на соживотот во државата.
Пред продолжението на 15. седница, Собранието ќе ја одржи 16. седница на која ќе расправа по измените на Законот за реализација на инфраструктурни проекти за изградба на патната делница Миладиновци - Штип со кој со анекс на договорот се предвидува продолжување на рокот за изградба на овој патен правец. Пролонгирањето на изградбата нема да има дополнителни финансиски импликации врз Буџетот.
Министерот за транспорт и врски Горан Сугарески во понеделникот изјави дека со Анексот на договорот што го усвои Владата се предлага рокот за изградба на автопатот Миладиновци - Штип да се продолжи до крајот септември следната година. Дополнителен рок го побарал изведувачот, бидејќи не успеал да ја заврши изградбата до 1 мај годинава.
Ново на Сител
-
Пожар зафати куќа во неготинско Долни Дисан
-
Врховен задутре ќе одржи јавна седница по жалбата на таткото на Вања против мерката притвор
-
Минималната синдикална кошница за април 60.212 денари, зголемена за 1.214 денари во однос на март
-
Цената на лебот засега е стабилна и нема да се менува, велат од Агро-бизнис комората при ССК
-
МВР, ЈО и АНБ комплетно подготвени за претстојните претседателски избори
-
Инаугурацијата на Путин ќе се одржи на 7 мај
-
Шојгу: Русија ќе ги интензивира нападите врз складишта со западно оружје во Украина
-
Просечната плата во февруари изнесува 39.276 денари