Законот за јазици ќе чека до март

Најверојатно во март ќе се одржи подготвителната седница на Уставниот суд на која ќе се разгледуваат оспорените членови од Законот за употреба на јазиците. Претходно Уставен го очекува и советот од Венецијанската комисија. 

Уставните судии веќе се пожалија дека трпат притисоци. Претседателот на Уставен вчера рече дека политиката треба да ги тргне рацете од судот

Уставниот суд на Северна Македонија во средата одлучи да одржи подготвителна седница за расправата по иницијативите за оценување на уставноста и законитоста на Законот за употреба на јазиците.

На седницата не присуствуваа судиите Осман Кадриу и Насер Ајдари, а откако не беше прифатен предлогот на судијата Фатмир Скендер точката со иницијативите за оценување на уставноста и законитоста на Законот за употреба на јазиците да се одложи поради отсуството на двајцата судии, тој исто така ја напушти седницата.