Законот за енергетика во Собранието

Во Собранието денеска седница ќе одржи Комисијата за економски прашања, труд и енергетска политика, во чии рамки ќе биде разгледан новиот Закон за енергетика, кој е во второ читање. Овој Предлог-закон е на дневен ред и на Законодавно-правната комисија. Министерката за енергетика Сања Божиновска порача дека ова е еден од поважните закони со кои се имплементираат соодветните европски директиви.

Како што посочи таа, е изработен со домашни капацитети, без странски консултанти.

Според министерката Божиновска и според претседателот на Регулаторната комисија Марко Бислимоски, најголем предизвик во следниот период ќе биде изработката и усвојувањето на подзаконските акти и регулативи.

Законското решение предвидува МЕПСО да премине под ингеренции на Министерството за енергетика а за прв пат со закон се регулира и употребата на батериите за складирање на енергија.