Зајберт: Германската Влада смета дека е многу веројатно Навални да е отруен
Германската Влада смета дека лидерот на руската опозиција Алексеј Навални, кој е во кома во болницата „Чарите“ во Берлин, „многу веројатно е жртва на труење“, изјави денеска владиниот портпарол Штефан Зајберт.
-Ова е пациент кој многу веројатно бил жртва на напад со отров. Сомнежот не е поврзан со фактот дека Навални самиот се отрул, туку дека некој го труел, а германската Влада ова сомнение го сфаќа многу сериозно, рече Зајберт, објаснувајќи ги причините за поставувањето полициско обезбедување во болницата во која Навални се лекува.
Портпаролот, исто така, кажа дека немаше официјална покана од германската Влада, туку дека Навални од хуманитарни причини брзо влезе во земјата, на барање на неговото семејство.
Навални (44), во четвртокот беше хоспитализиран во Омск, откако му се слоши во авион, западна во кома, па потоа набрзо авионот мораше да слета во овој град. На барање на семејството и пријателите, кои сметаат дека тој е отруен, Навални во саботата од сибирската болница во Омск беше пренесен во болница „Чарите“ во Берлин.
Ново на Сител
-
Eнормно зголемена потрошувачката на вода, неконтролирано се полеваат бавчи и ниви
-
Познат идентитетот на македонскиот државјанин кој загина во сообраќајката во Србија
-
Лишен од слобода возач кој вчера удри пешак во центарот на Скопје
-
Возел пијан и излетал од патот, приведен возач во близина на Македонска Каменица
-
Полицаец во Гостивар украл 25.000 евра и злато вредно 50.000 запленети при претреси
-
Уапсени тројца Турци во Штип, при претрес во нивниот стан најдени 123 семки канабис
-
Две физички пресметки изминатата ноќ пријавени во Тиквешијата
-
Приведен маж од радовишко, извршил обљуба врз 77-годишна жена