Загина возач во страотна сообраќајка во штипско, сопатниците повредени

Вчера околу 20.10 часот на локалниот пат Штип-село Драгоево се случила сообраќајна незгода во која Е.Д. (50) од Штип, управувајќи патничко моторно возило „Цитроен Ц5“ со бугарски регистарски ознаки, излетал од патот и се превртел.

Возачот и сопатниците Д.Ѓ. (51) и З.К. (50), двајцата од Штип, со возило на итна медицинска помош биле пренесени во КБ-Штип.

Кај возачот Е.Д. била констатирана смрт, кај З.К. биле констатирани тешки телесни повреди, додека кај Д.Ѓ. констатирани биле телесни повреди.

И двајцата се задржани на лекување. Увид на местото на настанот извршиле ЈО и увидна екипа од ОКТИВ-Штип.

По наредба на ЈО над телото на починатиот ќе биде извршена обдукција.