Загина малолетник со мотор во тешка сообраќајна несреќа во Козле | ФОТО
Министерството за внатрешни работи (МВР) излезе со детали за синоќешната тешка сообраќајна несреќа во Скопје, во која животот го загуби едно лице.
- Синоќа во 20 часот и 47 минути во СВР Скопје било пријавено дека на улицата Козле во истоимената населба во Скопје се случи тешка несреќа меѓу две возила и скутер. Сообраќајната несреќа била помеѓу патничко возило „цитроен“ со скопски регистарски ознаки, управувано од К.Ѓ.(37) од Скопје, патничко возило „мини купер“ со скопски регистарски ознаки, управувано од П.Ж.(53) од Скопје и мотоцикл „хонда“ со скопски регистарски ознаки, управувано од малолетник од Скопје, појаснија од полицијата.
Според добиените информации, од здобиените повреди на местото починал малолетникот, а смрт констатирала екипа од брзата помош.
- Полицијата извршила увид заедно со Јавен обвинител, по чија наредба телото на починатиот било дадено на обдукција, се вели во информацијата на МВР.
Улицата синоќа беше блокирана за сообраќај, а полицијата до доцна вечерта вршеше увид на местото на несреќата.
Ново на Сител
-
Во полиција задржани тројца кавадарчани, едниот бил агресивен и се заканувал кон полицајци, двајца спречувале преземање на службени дејства
-
Тешко повреден малолетен пешак во Куманово по удар на автомобил
-
Експлозија во магацин за пиротехника во Бугарија
-
Продолжи собраниската комисиска расправа за ребалансот на Буџетот
-
Второто злато на ОИ 2024 за Кина
-
На „Богородица“ и „Табановце“ зголемен интензитет на сообраќај
-
СВР Скопје расчисти кривични дела „убиство“ и „убиство во обид“, кои се случија месецов, поднесени пријави против три лица
-
Унгарија го зема најголемиот кредит досега од Кина – Позајмица од милијарда евра