Загадена водата за пиење во виничкото село Градец
Водата од водоводот во виничкото село Градец е неисправна за пиење, поради што е издадена забрана за нејзина употреба.
Анализите на земените примероци што ги направил Центарот за јавно здравје од Кочани покажале поголемо присуство од законски дозволеното на вкупниот број бактерии во еден милилитар вода.
-Поради бактериолошката загаденост на водоводот, препорачавме жителите од ова село за пиење да користат флаширана вода, а за другите потреби водата од чешма да ја превриваат. Исто така, доставивме известување до надлежните во локалната самоуправа на Виница да преземат мерки за редовно дезинфецирање со резидуален хлор од 0,2 до 0,5 милиграми на литар. Од физичко-хемиски аспект исправноста на водата во Градец е во рамки на дозволените параметри, истакна Васил Пендевски, директор на Центарот за јавно здравје од Кочани.
По барање на Општина Виница, испитување на водата е направено и од водоводот во селото Истибања, но таму резултатите одговараат на законските прописи и стандарди и во поглед на бактериолошката и на физичко-хемиската исправност.
Ново на Сител
-

Девојка со скалпел се обидела да ограби 18-годишник во Скопје
-

Гостиварец се обидел да нападне човек со моторна пила, па бил нападнат со дрвен предмет
-

Тригодишно дете од Гевгелија починало на пат кон болница
-

Тошковски: Придобивките од „One Stop“ веќе се видливи, на Табановце се чека околу 30 минути
-

Поранешниот потпретседател за респираторни истражувања во Фајзер: Ковид вакцините се токсични
-

Мицкоски: Коридорот 8 ќе биде завршен до 2029 година, автопатот Кичево–Охрид до втора половина на 2027
-

УХМР: Дожд во вечерните часови и во текот на утрешниот ден, следува заладување
-

Специјалците спасија тешко повреден алпинист кај Демир Капија

