Заев: Тој што е добар, тој што е подобар од претходно, може да биде најдобар

 Во вечерашното гостување во вестите на Сител, премиерот и лидер на СДСМ, Зоран Заев истакна зошто граѓаните би го избрале концептот „Најдоброто за мојата општина“.

-Граѓани тоа го кажуваат на самите анкети, на кој што добро се проверуваат идните кандидати за градоначалници и советници и програмите како определби односно трајни потреби на граѓаните во секоја од матичните општини. Преку еден ваков систем на селекција ние како коалиција одлучивме тоа што граѓаните ни го кажаа дека за нив е најдобро,ние го преточивме во кандидатури на најдобрите. Досега покажавме дека сме подобри и тука нема дилеми во државата. Не само заради тоа што оваа Влада во последните четири години алoцираше огромни стотици милиони евра и илјадници проекти кон локалните самоуправи, туку самите локални самоуправи денеска се раздолжeни, денеска се ликвидни, денеска се стабилни и можат да ги сервисираат услугите на граѓаните и навистина тој што е добар и тој што е подобар од претходното може да биде само најдобар и затоа веруваме дека ги имаме најдобрите кандидати, ги имаме најдобрите програми и тоа очекуваме граѓаните да ни го кажат на 17 октомври и да го потврдат како најдоброто како неопходниот предуслов за да очекуваме динамиката во следните четири години да ја исполниме како што е прилично амбициозна, рече Заев.