Заев: Реформската агенда се врати во Собранието
Реформската агенда се врати во Собранието. Треба да честитаме за одговорноста на двотретинското мнозинство пратеници, кое вчера ги донесе измените во законите за јавно обвинителство, за кривична постапка и за судовите, напиша премиерот Зоран Заев на својот Фејсбук профил.
Со измените, како што посочува Заев, се зајакнува контролата врз полицијата, граѓаните се заштитени од неовластени ограничувања на правата, нема повеќе самоволно прислушување.
– Граѓаните се побезбедни, полицијата работи во законски рамки со зајакната контрола. Ја ослободуваме „заробената држава“ од криминалните стеги во минатото, вели Заев.
Овие реформи, како што истакнува премиерот, произлегуваат од извештаите на групата на Прибе и на други меѓународни организации, и се суштински придонес во европската агенда на Македонија во перидот на скрининг процесот на ЕУ до отворањата на поглавјата во јуни 2019 година.
– Европски стандарди за европска Македонија, наведува Заев на ФБ.
Ново на Сител
-
Пожар зафати куќа во неготинско Долни Дисан
-
Врховен задутре ќе одржи јавна седница по жалбата на таткото на Вања против мерката притвор
-
Минималната синдикална кошница за април 60.212 денари, зголемена за 1.214 денари во однос на март
-
Цената на лебот засега е стабилна и нема да се менува, велат од Агро-бизнис комората при ССК
-
МВР, ЈО и АНБ комплетно подготвени за претстојните претседателски избори
-
Инаугурацијата на Путин ќе се одржи на 7 мај
-
Шојгу: Русија ќе ги интензивира нападите врз складишта со западно оружје во Украина
-
Просечната плата во февруари изнесува 39.276 денари