Заев на средби со Ќучук и Чолош: Безрезервна поддршка за отворање на пристапните преговори на Македонија со ЕУ
Претседателот на Владата на Република Македонија Зоран Заев, во рамки на дводневната работна посета на институциите на Европската Унија во Брисел, денеска, одржа одделни средби и со европратеникот Илхан Ќучук, кој е и известувач за Република Македонија, како и со претседавачот на парламентарната група на „Обнова на Европа“, (Renew Europe), Дачијан Чолош.
Како што соопшти владината прес-служба, на двете средби во Мисијата на Македонија во Брисел, кои беа оценети како одлични, беше изразена силна поддршка за отворање на преговорите на Македонија со Европската Унија, која како што беше нагласено, од своја страна ги исполни сите обврски.
-Соговорниците оценија дека пристапниот процес треба да биде фокусиран на европското законодавство АКИ (acqui) и беше заклучено дека сите други прашања, кои немаат поврзаност со европското АКИ треба да се адресираат билатерално, се наведува во соопштението.
На одделните средби со европратениците, на кои беше придружуван од министерот за надворешни работи Бујар Османи и шефицата на нашата Постојана мисија во ЕУ, Агнеза Руси-Поповска, премиерот Заев се заблагодари на Чолош и Ќучук на досегашната принципиелна поддршка од парламентарната група на „Обнова на Европа“, (Renew Europe) во Европскиот парламент, изразувајќи надеж дека таа поддршка ќе продолжи континуирано и понатаму, стои во соопштението.
Популарно од Македонија
Ново на Сител
-
Средба на Сиљановска-Давкова со претставнички на здружението „До бебе по патот на ин витро“
-
Акција „Чистач“: Уапсени 5.628 лица, 1.158 претреси во борбата против насилниот криминал, трговија со дрога и прекуграничниот криминал
-
Стопанската комора предлага 13 неработни денови и укинување на префрлањето на празниците што паѓаат во недела
-
Мицкоски: Остануваме држава со најниска цена на дизел горивото и на безоловниот бензин
-
Мицкоски: Оваа Влада ги завршува проектите што биле закочени со децении, а ако опозицијата иницира предвремени избори, ќе дадеме соодветен одговор
-
Онкологија: Вештак на одбраната тврди дозирањето и третманот на онколошки пациенти е согласно европски протоколи, Обвинителството ги оспорува заклучоците
-
Пуштена во употреба новата детска градинка во Теарце, 147 деца ќе бидат згрижени
-
До четврток сончево и топло, од петок променливо облачно со пообилни врнежи
