Заев: Државата нема намера да се меша во конфликтот во ИВЗ

Исламските верници треба сами да си одлучат кој ќе биде нивен лидер, бидејќи државата не може да се меша во религиозните работи, изјави премиерот Зоран Заев. Поглаварот на ИВЗ ќе биде избран согласно со Уставот и законите на верските заедници, дополни Заев. Според него, државата може да интервенира само преку институциите, како што тоа вчера го направи МВР, кои крајно професионално, но и внимателно си ја завршиле работата. Заев вели дека нема да ги коментира судските одлуки за тоа кој ќе биде поглавар на ИВЗ, бидејќи тоа може да предизвика други политички последици.