Македонија
25. February 2021 - 20:50

Заев до Николовски: До пред 4 години името и презимето ви беше страв да му го кажете на Мијалков

Премиерот Зоран Заев одговарајќи на прашање од пратеникот Александар Николоски од ВМРО-ДПМНЕ каде се криел Сашо Мијалков кој два дена беше недостапен на органите на прогонот за да му се врачи решение од судот за домашен протвор, рече дека од сите аспекти било потврдено дека тој бил во Скопје. Оцени дека е неодговорно да се тврди дека првообвинетиот во случајот „Таргет-Тврдина“ бил надвор од градот или државата и ја повика опозициската ВМРО-ДПМНЕ да понесе одговорност за сите искажани, како што рече, лаги во врска со неговото приведување.

- Самите докази кои се приложени во делот од постапката покажуваат дека неделата излегува во Мериот, половина час е во Мериот со женско лице (сопругата) и уште тројца од обезбедувањето. Некаде попладне излегува од Мериот и оди на Салвадор Аљенде, односно Тодор Александров 69, каде што му е едно од живеалиштата, покрај другото на Народен фронт. До доставувањето на судскиот налог веројатно бега од своето во некое од соседните објекти, мала. но е тука. И тоа е јасно и недвосмислено докажано. И сега дали тврдењето два дена дека има договор, дека власта го пушти, дека Заев се договорил, дека организирано е бегството на Мијалков токму од владечката коалиција.. и испадна дека не е така. Еве го Сашо Мијалков е во домашен притвор и каде е одговорноста на опозицијата за овие тврдења. Јас реков преземам одговорниост ако не го најдеме. Каде е одговорноста на опозицијата за ваквите тврдења, што бидна со Мериот – коалицијата со СДСМ, …праша премиерот Заев.

Тој додаде дека најтешкиот предмет за прислушувањето е на крајот и утре се очекува пресудата каде вели, знаеме кои се се осомничени, луѓе-милионери.

– Пари бушат по цел свет, но еве го процесот е доведен до крај. Нема никакви тајни коалиции. Сашо Мијалков вие го славевте до пред 3-4 години.Секогаш делот на ВМРО-ДПМНЕ вие го следевте, а функциите ви беа мили што ви ги даваа, и не само што го следевте името и презимето ви беше страв да му го соопштите и не само вие, туку сите во државата. И денеска по четири пати на ден се менува ставот за Сашо Мијалков, човеков кој заедно со Груевски го постави сегашното раководство на ВМРО-ДПМНЕ. Верувам дека утре судот ќе потврди уште многу други лаги за договарања со Заев или слично и на крајот треба власта да понесе одговорност, а опозицијата што да направи? Да си понесе одговорност. Одговорноста  доаѓа со правата, затоа што секоја лага, секоја невистина, се што ќе се каже напиот народ го цени и знае се, и ви тврдам се додека продолжувате со вакви неодговорни политики, лаги и кочења народот ќе ви каже исто што ви кажа на последните избори – порази ќе расте тој пораз на ВМРО-ДПМНЕ, а победите на СДСМ и коалицијата ќе растат.. Затоа што согласно правото и честа да се биде голем  учесник во политиката следува и правото и честа на големата одгорност во политиката, рече Заев.

Тој иронично праша дали можеби  Мијалков не бил во Белата палата – седиштето на ВМРО-ДПМНЕ како една од можните опции каде би можел да биде.

- Дефинитивно тоа што го направи власта го принуди со сите законски дозволи средства да се пријави на органите на прогон и да си го прими решението за притвор, рече Заев.

На дополнителното прашање од Николоски, Заев рече дека со преземените мерки и активности со кои МВР си ја заврши својата работа, Обвинителство и судот својата работа, по што по 40 часа целта е постигната.

- Успехот се гледа во постигнување на целта, комплетно се повикани сите потенцијални организатори и помагачи. Имамме постапено согласно сите равни пропии во државата и апсолутно е принуден како печурка после дожд да се појави во јавноста и тоа е успешно спроведена акција. Комплетно целосно, согласно системот, согласно сите надлежности на институциите кои ги имаат, по слово на законот вашиот поранешен лидер во сенка е спроведен да си ја исполни мерката притвор и да си чека соопштување на пресудата, рече Заев.