ЗА ЗАЕДНИЧКА МАКЕДОНИЈА: Сите граѓани кои си ја сакаат државата денеска во 17 часот да излезат пред Влада

Граѓанската иницијатива „За заедничка Македонија“ продолжува и денес со мирниот протест.

 

Тие ги повикуваат сите граѓани кои си ја сакаат државата денеска во 17 часот да излезат пред Влада на Р.Македонија за да го искажат својот револт против албанската платформа, воведување на двојазичност, промена на химната, знамето и грбот на Р. Македонија.

 

Граѓанскиот мирен протест ќе започне пред Владата на РМ, а потоа ќе продолжи пред Собранието.

 

-Верувавме во македонскиот народ, веруваме дека кога се работи за основните човекови права и интереси ќе се приклучат во огромен број. Верувам дека во понеделник, утре во 17 часот продолжуваме во уште поголем број и тоа ќе го правиме се додека нашите барања не бидат исполнети, истакна вчера Игор Дурловски еден од организаторите на иницијативата.

 

Богдан Илиевски пак, ги повика граѓаните на масовна поддршка.

 

-Верувам дека со несмален интензитет се повеќе ќе растеме, бидејќи секојдневно се приклучуваат се повеќе и повеќе луѓе на оваа иницијатива, рече Илиевски.