За смена на Мадуро со помош на референдум собрани 1,85 милиони потписи
Венецуелската опозиција им поднесе вчера на властите надлежни за изборите 1,85 милиони потписи, барајќи референдум за смена на претседателот Николас Мадуро, кого го обвинуваат за длабока економска криза во земјата.
Извршниот секретар на опозициската МУД, Језус Тореалба објави на Твитер дека организаторите на Националниот одбор за избори му предале повеќе од 80 кутии со петиции за одржување референдум.
Тоа е првиот чекор во процесот за барање гласање за смена на социјалистичкиот претседател.
Мадуро вчера ги повика приврзаниците да почнат генерален штрајк и „бунт“, доколку опозицијата успее во намерата преку референдум да го отстрани од функцијата шеф на државата.
Мадуро вети дека ќе се бори за својата функција како претседател на Венецуела, каде неодамне беа воведени рестрикции за електрична енергија.
- Доколку олигарсите еден ден сторат нешто против мене и успеат да се вселат во претседателската палата, ви наредувам да прогласите бунт и траен генерален штрајк, им порача Мадуро на приврзаниците, собрани пред претседателската палата.
Тој додаде дека референдумот е опција, а не обврска. - Единствена обврска се претседателските избори, а тие се закажани за 2018 година, нагласи Мадуро.
Најновите анкети покажуваат дека повеќе од две третини од граѓаните на Венецуела сакаат Мадуро, кој на претседателските избори во 2013 година освои мелку повеќе од неопходните гласови за победа, да си замине од функцијата.
Ново на Сител
-
Запленети фалсификувани производи во Нови Сад и Белград, меѓу кои има бисквити, детергенти и шампони
-
Токсикологија: Поплавени лекарски канцеларии, болнички соби, сметководство, амбуланта на ОРЛ...
-
ЕК го прогласи веб сајтот за е-трговија „Шејн“ за „многу голема онлајн платформа“
-
Пожар избувна во куќа зад Универзална
-
Во Атина уапсени двајца членови на меѓународната криминална група „Пинк Пантери“
-
На Клиниката за токсикологија ноќеска пукнала цевка од парно
-
Малолетник се сомничи дека извршил обљуба врз малолетничка од Струмичко
-
Израелски цивил убиен во северен Израел