-->
-->
За Меси Русија е последна шанса!
-->
Светското првенство во Русија е последна шанса за оваа аргентинска репрезентација да освои титула, тврди Лионел Меси и дополнува дека доколку не се случи тоа, тогаш сите треба да се повлечат.
Лионел Меси е најдобриот играч на Аргентина, сам ја однесе репрезентацијата на Светското првенство во Русија, но и покрај тоа тој често е критикуван поради фактот дека неговата генерација не освоила ништо.
Последниот голем трофеј Аргентина го има освоено во 1993 година кога победи на Копа Америка.
„Луѓето чекаат овој состав да биде расформиран бидејќи долго не освоил ништо, а и критичарите се уморни што ги гледаат истите лица во националниот тим. Мислам дека Светското првенство во Русија е наша последна шанса тоа да го смениме. Поради тоа расте возбудата. Доколку не оствариме забележителен резултат, целиот тим треба да се повлече. На сите ќе ни биде тешко да продолжиме понатаму во случај на неуспех бидејќи со години сме во репрезентацијата“, рекол петкратниот освојувач на „Златната топка“.
Меси со Барселона осум пати ја освојувал шпанската лига, а четири пати победил во Лигата на шампионите, но со Аргентина нема ниту една титула во сениорска конкуренција.
На последното Светско првенство во Бразил во финалето Аргентина загуби од Германија.
Никогаш не ги гледам претходните финалиња. Ги имам само сеќавањата. Заслуживме трофеи бидејќи игравме добро, имавме свои шанси и на Копа Америка и на светските првенства. Заслуживме да освоиме најмалку два трофеја“, дополнил Меси.
Аргентина на Светското првенство ќе игра против Хрватска, Исланд и Нигерија.
-->
-->
-->
Ново на Сител
-
Руски воен репортер загина во Украина
-
Претрес во Свети Николе, пронајдена дрога
-
Пожари на диви депонии во Желино и Боговиње
-
Приведен дилер во Охрид, пронајдена дрога
-
Вучиќ-О'Брајан: Различни ставови по прашањата за Косово и Сребреница
-
Шест деца и тројца возрасни загинаа во израелски напад во Рафа
-
Во вторник предизборен молк
-
СПМ поднесе кривична против поранешниот министер за внатрешни работи и други три лица за несовесно работење