Вулнет Мурсели ќе биде кандидат за градоначалник на Тетово од коалицијата на Алијанса за Албанците и Алтернатива

На денешното Собрание на тетовскиот огранок на Алијанса за Албанците беше избран Вулнет Мурсели за кандидат за градоначалник. Членовите на Собранието гласаа помеѓу двајцата кандидати, Вјолца Бериша и Вулнет Мурсели.

-Тетово ја сака промената и заедно со граѓаните на Тетово мора да го запреме исмевањето и потсмевот на овие луѓе кои раководеа долги години со Општина Тетово. Алијансата за Албанците на изборите во Тетово гледа како на битка за враќање на достоинството на градот на два универзитети, градот со големи промени и градот кој е најпогоден од актуелната власт СДСМ-ДУИ. Од денеска ги започнуваме подготовките за реализација на проектите за развој на Општина Тетово, заедно со другите општини во кои Алијансата за Албанците ќе победи убедливо на изборите на 17 октомври, истакна претседателот на партијата Зијадин Села пред членовите на Собранието.