Вулканската пепел предизвика откажување на 900 летови кон Бали

Облаците од пепел предизвикани од ерупцијата на вулканот Раунг во источна Индонезија, беа причина од четвртокот, па до денеска, да бидат откажани над 900 летови од и кон Бали, познат како еден од најатрактивните туристички центри во светот.

Вчера аеродромските власти во Денпасар, главниот град на провинцијата Бали, соопштија дека пистите и контролните уреди на аеродромот се исчистени, но во текот на ноќта и денеска ветрови донесо два поголеми облаци пепел, со што повторно беше прогласена забрана за летење во ова подрачје.

Локалните медиуми во Индонезија јавуваат дека илјадници странци, кои веќе го откажаа престојот во хотелите, јадат и спијат во просториите на аеродромот во кои има невидени турканици, но не се забележани посериозни инциденти.