Вучиќ за предлогот за размена на територии со Косово: Србија има свој Устав и интегритет
Српскиот премиер Александар Вучиќ, денеска, по повод предлогот на американскиот републикански конгресмен, Дејна Рорабахер, за размена на територии од јужна Србија за северно Косово, изјави дека тоа е само обид за барање на други решенија, но Србија има свој Устав, што јасно зборува за интегритет, пренесоа српските медиуми.
Во одговорот на новинарско прашање Вучиќ дополни дека конгресменот Рорабахер е близок до албанското лоби.
Конгресменот Рорабахер, претседател на Поткомитетот за Европа, Евроазија, до српскиот претседател,Томислав Николиќ, испрати писмо во кое предлага размена на територии од јужна Србија за северно Косово како решение за намалување на тензиите во овој дел од Балканот.
„Наместо негативни примери, како испраќање воз со провокативни симболи во Косово, можеби е подобро и од взаемен интерес е да се размисли за размена на територии, што ќе доведе до поголем број Срби во Србија и поголем број Косовци во Косово“, напиша Рорабахер.
Во своето писмо до Николиќ американскиот конгресмен забележува дека „оваа варијанта е можна и не треба да се игнорира“.
Во Прешевската долина, во јужна Србија, која ги опфаќа општините Прешево, Бујановац и Медвеѓе, живеат главно етнички Албанци, а четири општини во северно Косово се со доминантно српско население.
Ново на Сител
-
Шолц по состанокот во Париз: ЕУ и САД не треба да се делат околу мировните преговори за Украина
-
Eвропските лидери за можноста за испраќање мировници во Украина
-
Димитриевски: Државниот грб ги задоволува сите потреби и ја отсликува реалноста на македонскиот народ и држава
-
Без струја утре дел од Општина Аеродром
-
Владата утре ќе дискутира за предлозите на трговците и ќе разгледа дополнителни можности
-
Од среда намалување на облачноста и ниски утрински температури
-
Предлогот за разрешување на јавниот обвинител Коцевски утре на седница на Влада
-
Кривична за гостиварец кој се обидел да прегази полицаец