Вучиќ утре ќе разговора со Путин

Српскиот претседател Александар Вучиќ најави дека утре ќе има разговор со рускиот претседател Владимир Путин на сите теми од билатералните односи меѓу двете земји, од гасот, нафтената индустрија на Србија, до политичките односи.

-Тоа ќе биде разговор за сите теми од билатералните односи меѓу Србија и Русија, од гасот, нафтената индустрија на Србија, но и нашите политички односи, севкупните односи во сите сфери на општественото живеење. А една од темите, денеска претседателот Додик ми пренесе порака што треба да му ја пренесам на претседателот на Руската Федерација Владимир Владимирович во негово име и во име на Република Српска, рече Вучиќ по состанокот со Додик.

Тој информира дека во наредниот период телефонски ќе разговара и со лидерите на одредени земји од Европската унија.

-Се обидувам да разберам што точно прават, а благодарен сум за лицемерието што го видов пред два дена по ден чекање или вчера по ден чекање, кога се појавија со онаква сиромашна изјава по бруталното насилство во Народното собрание каде беа повредени три жени, една жена се уште е во болница во тешка состојба, и воопшто не им беше грижа, рече Вучиќ.