Вучиќ треба да се сретне со Доналд Трамп до крајот на годината
Претседателот на Србија Александар Вучиќ треба да се сретне со американскиот претседател Доналд Трамп до крајот на годината, пишува српскиот весник „Блиц“.
Весникот, повикувајќи се на дипломатски кругови во Вашингтон, пишува дека претходно, околу 20 септември, Вучиќ ќе има средба со потпретседателот Мајк Пенс. Таа ќе се одржи на маргините на седницата на Генералното собрание на Обединетите нации. Тие ќе разговараат за Косово и дијалогот меѓу Белград и Приштина, како и за ситуацијата во регионот во целина. Извор на весникот додава дека се уште нема официјална потврда за средбата.
Кон крајот на овој месец или на почетокот на следниот се очекува да продолжи дијалогот за Косово во Брисел, пишува „Блиц“. Се очекува тие средби да доведат до значителен напредок во решавање на косовскиот проблем и до решавање на балканската криза во целина, додава весникот.
- Очекуваме меѓународната заедница да се произнесе јасно по прашањето за стабилноста на Балканот. Нашето државно раководство настојува да изврши притисок врз Приштина, за да почне да се реализира тоа, што беше договорено во Брисел и пред се да почне да се реализира Заедницата на српските општини, изјави висок извор од српското раководство за „Блиц“.
Ново на Сител
-
Лавров: Блискиот исток е на работ на голема регионална војна
-
Кина продолжува да ги намалува ограничувањата за странски инвестиции
-
Фон дер Лајен: Трансформациите треба да бидат фер и да обезбедат просперитет за сите во Европа
-
ДЗС располага само со еден функционален „Ер трактор“, но моментално нема потреба од дополнителни летала
-
Лишени од слобода деветмина дрвокрадци, поднесена кривична пријава
-
Се шетал со полн пиштол и уште 61 куршуми - Уапсен 19 годишник
-
СВР Скопје со засилени мерки за безбеден град Скопје
-
ВМРО-ДПМНЕ: Антикорупциска и ЈО да испитаат зошто Филипче како министер криел имот што го поседува