Вучиќ-Рама: Србија и Албанија се пример за регионот
Премиерите на Србија и на Албанија, Александар Вучиќ и Еди Рама во телевизиската емисија „Опкружување“ се согласија за многу прашања, пред се оние кои се однесуваат на иднината на двете земји и подобар живот за граѓаните, а ставовите им останаа целосно различни кога е во прашање Косово, иако и околу тоа имаа согласност дека никогаш да имаат исто мислење.
Гостувањето на двајцата премиери во емисијата снимена во Виена за време на Самитот за Западен Балкан минатата недела, го пополни и Горан Свилановиќ, како генерален секратар на Советот за регионална соработка, пренесува Фена.
Вучиќ и Рама порачаа дека несогласувањето на двете држави по прашањето за Косово не смее да ги оневозможува дијалогот и соработката, оценувајќи дека односите меѓу Србија и Албанија не се најголем проблем на Балканот.
Вучиќ смета дека најтешко балканско прашање е Босна и Херцеговина.
- Мислам дека БиХ ќе биде најголем проблем и се радувам поради тоа. Ние имаме одлични односи со БиХ, ја сакаме Република Српска, се плашам но сметам дека сум во право, истакна српскиот премиер.
Свилановиќ, исто така, оцени дека функционалноста на БиХ е голем проблем.
- Косово има барем рамка за решавање на проблемот, а тоа е Бриселскиот дијалог, а во случајот со БиХ ниту тоа не постои, нагласи Свилановиќ.
Ново на Сител
-
Поради одржување предизборни митинзи в сабота и недела изменет режим на сообраќај во Скопје
-
Во општините Дебар и Центар Жупа повеќе гласачи од жители
-
Тепачка помеѓу две колешки во средно училиште во Битола
-
Вчера пријавени два различни случаи на физичко насилство на Бит Пазар
-
Приведени сопружници од Скопје
-
Во Прилепско во тек се теренски акции за имунизација
-
Претседателски избори 2024: Утре први гласаат членовите на ИО кои ќе ги спроведат изборите во дијаспората
-
Нови 46 случаи на голема кашлица од 12 до 18 април, хоспитализирани девет лица