Вучиќ: Обединувањето на Албанија и Косово останува само во сферата на желбите
Српскиот премиерАлександар Вучиќ, кој е избран за претседател на земјата, денеска наведе дека изјавите на премиерите на Албанија и на Косово, Еди Рама и Хашим Тачи, за обединување на Албанија и Косово, во случај да избледат перспективите за членство во ЕУ, остануваат само во сферата на желбите, и при тоа ги замоли протагонистите да не зборуваат такви работи, бидејќи тоа не придонесува за добрите односи во регионот.
Новоизбраниот српски претседател нагласи дека на сите им е јасно дека тоа нема да се случи, независно од нечии желби.
- Нема да навредуваме никого, нема да се закануваме со никакви изјави. Ајде да мислиме пред се на економскиот напредок на Србија, истакна Вучиќ.
Тој изјавите на Рама и Тачи ги оцени како закани, бидејќи, како што објасни, „не може да има обединување на сите Албанци без конфликт во неколку држави“.
Вучиќ ја повика Европската Унија да излезе со јасни ставови за случувањата во регионот.
- Ако јас кажам нешто за обединувањето на сите Срби во регионот, во Брисел ќе ме закачат на јарбол место знамињата што се кренати таму, потенцира Вучиќ.
Ново на Сител
-
Лидерите на регионот, ЕУ и САД на Самитот за планот за раст за Западен Балкан на 16 мај во Котор
-
Осумдесетгодишник од Теарце со изгореници заврши во болница откако му се запали домот
-
Силјановска-Давкова утре ќе го почне претседателскиот мандат со свечена изјава во Собранието
-
Честитка до Мицкоски од МД „Илинден" и Македонците во Албанија, за двојната победа на изборите
-
Силјановска Давкова: Добивањето на уверението од ДИК и прогласувањето во Собранието се формално финале на изборите
-
Приведени двајца кумановци за поседување дрога
-
Променливо време со повремен дожд и во наредните денови
-
Априлската инфлација во Албанија 2,1 отсто и понатаму најниска во регионот