Вучиќ на средба со Хојт Ји
Српскиот претседател Александар Вучиќ денеска зад затворени врати имаше според неговиот кабинет „отворен и чесен разговор“ што траеше час и половина.
Очекувањата на јавност беа дека разговорот ќе биде „бурен“ по изјава на Хојт Ји вчера кој рече дека Србија „не може да седи на две столчиња", барајќи конкретни дела и дека рускиот центар во Ниш не треба да има дипломатски статус.
На ова првин остро реагираше министерот за одбрана, Александар Вулин, изјавувајќи дека досега ова е најтешкиот јавен и изразито недипломатски притисок врз Србија и нејзиното право самостојно да одлучува.
Вулин рече дека не знае каков ќе биде ставот на државниот врв, но тој лично верува дека ова не е изјава од пријатели, "ниту на лице кое ја почитува Србија, нашата политика и правото да носиме одлуки".
Шефот на српскиот преговарачки тим за преговори со ЕУ Тања Мишчевиќ, во меѓувреме изрази сомневање дали Хојт Брајан Ји е правилно интерпретиран во медиумите.
Различни реакции имаа и политичките партии.
Радикалите го повикаа Вучиќ да се изјасни на кое „столче“ ќе седи - „со српските традиционални пријатели или со оние кои бомбардираат и го одземаат Косово“.
Двери сметаат дека „власта ќе плати која било цена на погубниот пат на Србија кон ЕУ“. Социјалистите со став дека Србија води самостојна и независна надворешна политика-членство во ЕУ и добри односи со Русија,Кина,САД.
Претходно Хојт Ји се сретна со премиерката Ана Брнабиќ и со вицепремиерката Зорана Михајловиќ, но во соопштенијата кои вообичаено се усогласасуваат од двете страни, нема детали за изјавата на американскиот официјален претставник.
Хојт Ји исто така, имаше средба и со претставниците на опозицијата, но детали од состанокот не беа објавени.
Ново на Сител
-
Сончево и топло, температура до 36 степени
-
Почна комисиската расправа за Предлог-законот за реорганизација на органите на државната управа
-
Турски државјани натепале скопјанец на Бит Пазар
-
В недела предвремени парламентарни избори во Бугарија
-
ИЈЗ: Три случаи на конго-кримска хеморагична треска, еден случај на морбили
-
ЦУК: Турист од Холандија удрил во камен во Охридско Езеро, пренесен во болница
-
Во текот на 2023 година во земјава се родиле 14 деца од мајки помали од 15 години
-
Столтенберг: Украина има право да напаѓа цели во Русија