Вучиќ: На 11 јули ќе ја претставувам Србија во Сребреница

Српскиот премиер Александар Вучиќ ќе ја претставува Србија во Сребреница на 11 јули, одлучи едногласно Владата во Белград на вчерашната седница.

Одлуката ја соопшти лично премиерот Вучиќ, истакнувајќи дека „Србија е подготвена на помирување, но не и на понижување“.

На прашањето дали постојат некакви услови кои се потребни за негово заминување во Сребреница, тој нагласи дека доколку се мисли на безбедносни услови тогаш не е заинтересиран за тоа. 

- Мене не ме интересираат безбедносни услови. Важно ми е што мислат за тоа Ќамил Дураковиќ, Мајките на Сребреница и бошњачкиот член на Претседателството на БиХ, додаде Вучиќ.