Вучиќ ќе претседава со последната седница на неговата Влада
Српскиот премиер Александар Вучиќ денеска ќе претседава со последната седница на неговата Влада во својот мандат.
Тој вчера најави и дека за два дена последен пат ќе говори пред јавноста во улога на премиер на Србија.
Како што објави „Вечерње новости“, српскиот министер за внатрешни работи Небојша Стефановиќ изјави дека тој со сигурност нема да биде мандатар за состав на нова влада.
Тој нагласи дека Вучиќ се уште не донел одлука за тоа кој ќе биде премиер, но е уверен дека тоа ќе биде личност, која на најдобар можен начин ќе ја предводи владата.
Стефановиќ истакна дека ќе му биде чест доколку повторно биде предложен за министер за внатрешни работи, пишува весникот.
Новоизбраниот претседател на Србија, Александар Вучиќ ќе положи заклетва пред пратениците на специјална седница на Парламентот, најверојатно в среда, на 31 мај, со што официјално ќе почне неговиот петгодишен мандат на оваа функција.
До тој датум треба да биде познато и името на новиот премиер, бидејќи меѓу првите задачи на новиот претседател ќе бидат разговорите со кандидатот за премиерската функција.
Иако со месеци имаше шпекулации дека на премиерската функција ќе биде избран поранешниот министер за правда, Никола Селаковиќ, тој, според неофицијални информаци, ќе биде именуван за генерален секретар на кабинетот на новиот претседател, додава „Вечерње новости“.
Ново на Сител
-
Состојба на патиштата
-
Променливо облачно со сончеви периоди, попладне локален дожд
-
Сиљановска Давкова: Разговорот со Радев беше пријателски и со почит, ни за миг не ги заборавив македонските национални интереси
-
Дел од општина Центар утре без вода
-
САД со санкции против конзорциумот Intellexa кој продавал шпионска технологија на авторитарните режими
-
Бугарскиот амбасадор ја одбил протестната нота, усно изразена загриженост поради отстапувањето од договорениот протокол и побарано дополнително објаснување
-
Бајден: На американската тајна служба и треба повеќе помош и работна сила
-
Градоначалникот на Белград повторно зборува за селење на гробот на Тито од Куќата на цвеќето